.jpg)
வெரிகோஸ் வெயின்ஸ் என்பது கால்களில் வீங்கி, சுருண்டு காணப்படும் சிரை சிரை நரம்புகள் ஆகும். இந்சிரை நரம்புகள் இதயத்திற்குத் திரும்ப இரத்தத்தை கொண்டு செல்லும் பணியை செய்கின்றன. இது வெறும் தோற்றப் பிரச்சனை மட்டுமல்ல. சிகிச்சை பெறாமல் விட்டால், அசௌகரியம், வலி மற்றும் சில நேரங்களில் தீவிரமான உடல்நல பிரச்சனைகளையும் ஏற்படுத்தக்கூடும். அதிர்ஷ்டவசமாக, மருத்துவ தொழில்நுட்ப முன்னேற்றங்கள் காரணமாக லேசர் சிகிச்சை போன்ற பயனுள்ள முறைகள் இன்று கிடைக்கின்றன. இது பாதிக்கப்பட்டவர்களுக்கு நிவாரணத்தையும் மேம்பட்ட வாழ்க்கைத் தரத்தையும் வழங்குகிறது.
வெரிகோஸ் வெயின்ஸ், சிரை நரம்புகளுக்குள் உள்ள வால்வுகள் பலவீனமடையும்போது அல்லது சரியாக செயல்படாதபோது உருவாகிறது. இதனால் இரத்தம் சிரை நரம்புகளில் தேங்கி, அவை பெரிதாகி வீங்குகின்றன. யாருக்கும் இந்த பிரச்சனை ஏற்படலாம் என்றாலும், மரபியல், வயது, உடல் பருமன், கர்ப்பம், நீண்ட நேரம் நின்று அல்லது அமர்ந்து இருப்பது போன்ற காரணிகள் அபாயத்தை அதிகரிக்கின்றன. ஆரம்பத்தில் இது ஒரு தோற்றப் பிரச்சனையாக மட்டுமே தோன்றலாம். ஆனால் காலப்போக்கில் பல்வேறு சிக்கல்களை ஏற்படுத்தக்கூடும்; இதனால் சிகிச்சை அவசியமாகிறது.
எண்டோவீனஸ் லேசர் தெரபி (Endovenous Laser Therapy – EVLT) எனப்படும் லேசர் சிகிச்சை, வெரிகோஸ் வெயின்ஸிற்கான குறைந்த உட்புகு சிகிச்சை (Minimally invasive treatment) மற்றும் மிகவும் பயனுள்ள சிகிச்சை முறையாக உருவெடுத்துள்ளது. பொதுவாக இந்த சிகிச்சை பின்வரும் படிகளில் நடைபெறும்:
• ஆரம்ப மதிப்பீடு (Preparation): சிகிச்சைக்கு முன், நோயாளிக்கு ஆரம்ப பரிசோதனை செய்யப்படும். இதில் அல்ட்ராசவுண்ட் ஸ்கேன் மூலம் வெரிகோஸ் வெயின்ஸின் பரவல் மற்றும் தீவிரம் மதிப்பிடப்படலாம். இதன் மூலம் நோயாளிக்கு ஏற்ற சிகிச்சை திட்டம் தீர்மானிக்கப்படுகிறது.
• உள்ளூர் மயக்கமருந்து (Local Anesthesia): சிகிச்சை நேரத்தில் வலி இல்லாமல் இருக்க, பாதிக்கப்பட்ட நரம்பைச் சுற்றிய பகுதி உள்ளூர் மயக்கமருந்து மூலம் உணர்விழக்கச் செய்யப்படும். இதனால் நோயாளி முழு சிகிச்சை நேரமும் விழிப்புணர்வுடன் இருக்க முடியும்.
• லேசர் ஃபைபர் செலுத்துதல் (Insertion of Laser Fiber): அல்ட்ராசவுண்ட் வழிகாட்டுதலுடன், வெரிகோஸ் நரம்பின் அருகில் சிறிய வெட்டு ஏற்படுத்தி, மெல்லிய லேசர் ஃபைபர் நரம்பிற்குள் செலுத்தப்படும். சரியான பகுதியை குறிவைத்து சிகிச்சை அளிக்க ஃபைபரின் நிலை கவனமாக கண்காணிக்கப்படும்.
• லேசர் ஆற்றல் செலுத்துதல் (Application of Laser Energy): லேசர் ஃபைபர் சரியான இடத்தில் அமைந்ததும், அதன் மூலம் லேசர் ஆற்றல் செலுத்தப்படும். இதனால் சிரை நரம்புச் சுவர் வெப்பமடைந்து சுருங்கி மூடப்படும். பின்னர் இரத்த ஓட்டம் அருகிலுள்ள ஆரோக்கியமான சிரை நரம்புகளுக்கு மாற்றப்படும்.
• சிகிச்சைக்குப் பிந்தைய பராமரிப்பு (Post-Treatment Care): சிகிச்சைக்குப் பிறகு, குணமடைவதை ஊக்குவிக்கவும் சரியான இரத்த ஓட்டத்தை மேம்படுத்தவும் கம்ப்ரெஷன் பேண்டேஜ் அல்லது ஸ்டாக்கிங் எனப்படும் கால் உரைகள் அணிய அறிவுறுத்தப்படலாம். பெரும்பாலான நோயாளிகள் விரைவில் தங்கள் இயல்பான செயல்பாடுகளுக்கு திரும்ப முடியும். ஆனால் சில நாட்களுக்கு கடினமான உடற்பயிற்சி மற்றும் கனரக எடைகளை தூக்குவது தவிர்க்கப்படலாம்.